யாழ்.புத்தூர் வதாரவத்தையில் திருடிய சிறுவன் சிறுவா் இல்லத்தில்

யாழ்.புத்தூர் வதாரவத்தையில் திருடிய சிறுவன் சிறுவா் இல்லத்தில்

யாழ்.புத்தூர் வதாரவத்தையிலுள்ள குடும்பநல உத்தியோகத்தரின் அலுவலகத்தினை உடைத்து அங்கிருந்த 4000 ரூபா பெறுமதியான பொருட்களைத் திருடிய 14 வயதுச் சிறுவனை எதிர்வரும் 8 ஆம் திகதி வரையில் திருநெல்வேலி சைவச் சிறுவர் இல்லத்தில் தடுத்து வைக்கும்படி யாழ்.சிறுவர் நீதவான் நீதிமன்ற நீதவான் கறுப்பையா ஜீவராணி செவ்வாய்க்கிழமை (05) உத்தரவிட்டார்.

அத்தினத்தில், சிறுவனின் பெற்றோரையும் மன்றிற்குச் சமூகமளிக்கும்படியும் நீதவான் உத்தரவிட்டார். 

மேற்படி குடும்பநல உத்தியோகத்தரின் அலுவலகத்தில் ஞாயிற்றுக்கிழமை (03) இரவு பொருட்கள் திருடப்பட்டிருந்தமை தொடர்பில் அச்சுவேலிப் பொலிஸ் நிலையத்தில் முறைப்பாடு செய்யப்பட்டது.

முறைப்பாட்டின் பிரகாரம் விசாரணைகளை மேற்கொண்ட அச்சுவேலிப் பொலிஸார், சந்தேகத்தின் பேரில் அதேயிடத்தினைச் சேர்ந்த 14 வயதுச் சிறுவனை கைதுசெய்தனர்.