யாழ்.யோகா உலகம் அமைப்பால் பதக்கம் அணிவித்துக் கெளரவிப்பு

யாழ்.யோகா உலகம் அமைப்பு புதிய யோகா பயிற்சிநெறிகளின் அறிமுக நிகழ்வை கடந்த-04 ஆம் திகதி யாழ். நல்லூர்த் தேரடி அருகே அமைந்துள்ள அறுபத்து மூன்று நாயன்மார் குருபூசை மடத்தில் ஏற்பாடு செய்து நடாத்தியது.

சித்தமருத்துவர் திருமதி எஸ். சிவயோகராணி தலைமையில் இடம்பெற்ற நிகழ்வில் அடிப்படை யோகாப் பயிற்சியை சிறப்பான முறையில் பூர்த்தி செய்ததுடன் யோக அரங்க ஆற்றுகையையும் கச்சிதமாக மேற்கொண்டமைக்காக மாணவிகளான தனா, பிரியங்கா லக்சாயினி ஆகியோர் பதக்கங்கள் அணிவித்துக் கெளரவிக்கப்பட்டனர். 

யோகா பயிற்சி நெறியில் பங்குபற்றிய நிலையில் மேற்படி நிகழ்வில் பதக்கம் பெறத் தவறியவர்களுக்கு வேறொரு சந்தர்ப்பத்தில் கெளரவம் வழங்கப்படவுள்ளது.  

இதேவேளை,ஆர்வம் உள்ளவர்கள் புதிய யோகா பயிற்சி நெறிகளில் இணைந்து பயனடைய முடியுமென யாழ்.யோகா உலகம் அமைப்புத்  தெரிவித்துள்ளது.

செய்திகள் 09.02.2018